(Djúpi)
Is fíorscéal é seo faoi iascaire ón Íoslainn a mhair ar feadh sé huaire an chloig i bhfarraigí fuara an Atlantaigh Thuaidh, tar éis gur bádh a bhád agus a chuid compánach. Plubaire d’fhear é Gulli atá róthugtha do na toitíní ach athraíonn a shaol go huile is go hiomlán i ndiaidh na heachtra seo. Tá fo-théacs sa scannán seo, sin é tubaiste eacnamaíochta na hÍoslainne agus mar a tháinig an tír chuici féin in ainneoin na ndeacrachtaí ar fad. Beidh cuimhne go deo agat ar an scannán cumhachtach seo.
Íobairt an Iascaire
![Íobairt an Iascaire thumb](/images/stories/scannain/Iobairt_an_Iascaire_thumb.jpg)
Roimh an scannán seo taispeánfar gearrscannán atá léirithe ag an iascaire ó Oileán Árainn agus mac léinn de chuid Acadamh na hOllscolaíochta Gaeilge Micheál Ó Congaile. Sa scannán spéisiúil seo, a rinne sé mar chuid den cúrsa MA sa Chumarsáid agus a bheidh á chraoladh ar TG4 leanaítear criú an Iuda Naofa amach go dtí Eitear an Torcáin ar thóir cloicheáin. Tugtar leargas ar shaol an iascaire ar an fharraige, na dúshláin a bhaineann leis an jaib, an sracadh leis an aimsir agus an spraoi a bhíonn acu ar an fharraige. Seo linn ag iascach!