Bernadette: notes on a political journey
- Sonraí
- Ar siúil Dé Céadaoin 25 Eanáir 2012, 7:15 pm
Léirithe ag Lelia Doolan
Éire
Tosnóidh an chéad shéasúr eile le scannán faisnéise den scoth a bhaineann le cúrsaí i dTuaisceart Éireann. Tá áthas ar an gClub Scannán a fhógairt go mbeidh an scannán faisnéise Bernadette: notes on a political journey, ag cur tús leis an séasúr nua scannán i Seanscoil Sailearna.
Thóg sé 9 mbliana ar Lelia Doolan an clár faisnéise corraitheach seo a chur le chéile faoin gníomhaí Bernadette Devlin (Mc Aliskey), a toghadh ina Feisire do Pharlaimint na Breataine agus gan í ach 21 bhliain. Ní raibh sí i bhfad i Westminister gur cuireadh ar fionraí í de bharr ionsaí fisiciúl a rinne sí ar Aire Rialtais, Reginald Maudling sa pharlaimint, mar go ndúirt sé gur "self-defence" a bhí ar bun ag saighdiúirí na Breataine nuair a mharaigh siad 13 i nDoire ar Domhnach na Fola, 1972.