(Im Labyrinth des Schweigens)

Scannán Gearmánach é seo faoin gcaoi a dtagann an fhírinne chun solais nuair a théann ionchúisitheoir, óg, idéalach ag cartadh. Faigheann sé amach gur fhill na mílte Naitsithe ar an ngnáthshaol i ndiaidh an chogaidh, in ainneoin a gcuid gníomhartha fuilteacha agus gur fearr leosan atá i gceannas neamhshuim a dhéanamh den scéal. Léiríonn an scannán seo go bhfuil seans maith ann nach raibh tuiscint cheart ag muintir na Gearmáine faoin méid a tharla in áiteanna ar nós champa géibhinn Auschwitz.