(La Belle Saison)

Sa mbliain 1971 atá an scéal seo suite. Tugann Delphine, 23, a cúl le saol na tuaithe agus bailíonn sí léi go Páras mar a dtéann saoirse agus fuinneamh ghluaiseacht na mban go mór i bhfeidhm uirthi. Titeann sí i ngrá le Carole, 35, agus tosaíonn siad ag dul in éineacht. Nuair a éiríonn athair Delphine tinn, bíonn uirthi dul abhaile agus leanann Carole í. Séanann Delphine dá máthair go bhfuil cumann eatarthu, rud a tharraingíonn achrann idir na leannáin.