lean muid
Séásúr an Fhómhair 2020 / Autumn Season 2020
Séasúr an Fhómhair 2020 Ceannaigh Ticéid
 

Covid 19. An t-eolas is déanaí

Ar an 6 Deireadh Fómhair chuir Rialtas na hÉireann srianta leibhéal 3 i bhfeidhm sa stát go léir. Faoi leibhéal 3 níl imeachtaí amharclann-lonnaithe ceadaithe in aon chor. Ciallaíonn seo gur gá dúinn cuid de na scannáin a bhí beartaithe againn a chur ar ceal agus nach mbeidh Séasúr an Fhómhair ag tosú go dtí an 29 Deireadh Fómhair ar a luaithe. Beidh cinneadh faoi seo á thógáil agus á fhógairt anseo níos gaire don dáta sin.

Idir an dá linn beimid i dteagmháil le aon duine a cheannaigh ticéid le gur féidir linn aisíocaíocht a shocrú.

(Belyy Tigr)

White Tiger thumb
Stiúr: Karen Sharkhnazarov
An Rúis 2012
104 nóiméad
Teastas: Club
 

 

Tá an scéal diamhair seo suite i laethanta deiridh an dara cogadh domhanda. Tanc cogaidh faisisteach mistéireach é ‘White Tiger’ a thagann gan choinne agus a dhéanann scraith de thancanna agus de shaighdiúirí na Rúise. Bailíonn sé leis ansin, gan tásc ná tuairisc.

Ní thagann ach aon saighdiúir amháin slán as an sléacht agus cé gur dódh go dona é, tagann sé chuige féin tar éis cúpla seachtain. Tá gach rud imithe i ndearmad air ach maíonn sé go bhfuil sé in ann cumarsáid a dhéanamh le feithiclí armúrtha agus gur faoi féin anois atá sé an White Tiger a scrios.

Meascán de scéal cogaidh agus finscéal fantaisíochta é seo ina dtroidtear cathanna corraitheacha. Cuirtear clabhsúr leo le linn cluiche folach bíog i scáilbhaile beag in oirthear na hEorpa. Rinneadh comparáid idir an scannán seo agus Moby Dick. Is cosúil nach bhfuil na saighdiúirí in ann an tanc a chloí agus ní thuigeann siad gur óna n-easpaí daonna féin a eascraíonn an Tíogar taibhsiúil seo. Tá an scannán seo an-fheiliúnach d’Oíche Shamhna!

 

White Tiger thumb