lean muid
Séásúr an Fhómhair 2020 / Autumn Season 2020
Séasúr an Fhómhair 2020 Ceannaigh Ticéid
 

Covid 19. An t-eolas is déanaí

Ar an 6 Deireadh Fómhair chuir Rialtas na hÉireann srianta leibhéal 3 i bhfeidhm sa stát go léir. Faoi leibhéal 3 níl imeachtaí amharclann-lonnaithe ceadaithe in aon chor. Ciallaíonn seo gur gá dúinn cuid de na scannáin a bhí beartaithe againn a chur ar ceal agus nach mbeidh Séasúr an Fhómhair ag tosú go dtí an 29 Deireadh Fómhair ar a luaithe. Beidh cinneadh faoi seo á thógáil agus á fhógairt anseo níos gaire don dáta sin.

Idir an dá linn beimid i dteagmháil le aon duine a cheannaigh ticéid le gur féidir linn aisíocaíocht a shocrú.

 

An Dubh ina Gheal thumb
Stiúr: Paula Kehoe
Éire / Astráil 2013
53 nóiméad
 

 

Tá féiniúlacht choilíneach nua san Astráil.. pobal atá bródúil as an oidhreacht Bhundúchasach agus Ghaelach atá aige. Ach céard faoi stair an phobail seo? Bhí cónaí ar an bhfile Éireannach, Louis de Paor, san Astráil sna 1980aidí agus filleann sé ar an tír sin chun scagadh a dhéanamh ar an ról a bhí ag na Gaeil, cine gheal a chuir fúthu san Astráil, agus a bhí ar chuid den dream a dhíshealbhaigh an pobal Bundúchasach. Tá scéal na leanaí a fuadaíodh, leanaí de chine measctha a sciobadh óna muintir, agus scéal na mBundúchasach a sheas an fód faoi cheannas na 'Shamrock Aboriginees', dream a chreid go raibh siad ar fad ag troid i gcoinne an leatroim chéanna, ag croílár an fhiosraithe seo. Insíonn An Dubh ina Gheal scéal rúnda na nÉireannach san Astráil, scéal ina bhfuil an stair shóisialta agus phearsanta agus an fhilíocht fite fuaite ina chéile ann.

 

An Dubh ina Gheal thumbAn Dubh ina Gheal thumb