lean muid

Fógra práinneach

I bhfianaise dhúshlán an choróinviris tá cinneadh tógtha ag choiste an chlub Scannáin Séasúr an Earraigh 2020 a chur ar ceal. Tá súil againn a bheith ar ais le chéile mar is iondúil sa bhfómhair. Idir an dá linn tugaigí aire dá chéile agus go raibh maith agaibh as bhur gcuid foighne agus tuisceana.

Maithiúnas na Fola

(Falja e Gjakut)

Stiúr: Joshua Marston
An Albáin 2010
108 nóiméad
Teastas: Club
Tá an scannán seo suite i dtuaisceart na hAlbáine sa lá atá inniu ann, áit a mbíonn daoine muinteartha in adharca a chéile fós de bharr sean-aighnis. Insíonn an scannán seo scéal dearthár agus deirfiúr atá sna déaga atá gafa sa trioblóid seo mar thoradh ar achrann idir a n-athair agus teaghlach eile faoi ghiota talún. Is annamh a fheictear an saol seo ar an scáileán agus is léiriú grinn agus teannsach é Maithiúnas na Fola ar áit a bhfuiltear ag iarraidh maireachtáil faoi thionchar sean-nósanna. Is scéal é freisin faoi dhaoine óga a bheith ag teacht in inmhe. Bhuaigh an scannán gradam an Bhéir Airgid don Script Scáileáin is fearr ag Féile Scannán Bheirlín.