lean muid

Fógra práinneach

I bhfianaise dhúshlán an choróinviris tá cinneadh tógtha ag choiste an chlub Scannáin Séasúr an Earraigh 2020 a chur ar ceal. Tá súil againn a bheith ar ais le chéile mar is iondúil sa bhfómhair. Idir an dá linn tugaigí aire dá chéile agus go raibh maith agaibh as bhur gcuid foighne agus tuisceana.

5 Cheamara Bhriste

(5 Broken Cameras)

Stiúr: Emad Burnat, Guy David
Iosrael / An Phalaistín 2011
90 nóiméad
Teastas: Club
Cuireann an scannán faisnéise seo an té atá ag féachaint air i gcroílár na caismirte idir na Palaistínigh agus lonnaitheoirí Iosraeil i mbaile ar an mBruach Thiar. Agus teaghlach Palaistíneach ag caitheamh an tsaoil ó lá go lá - ag ceiliúradh laethanta breithe agus ag dul ar scoil - cuireann an chaismirt shíoraí isteach ar an saol sin ar go leor bealaí. Faoi mar is léir ón teideal ní tasc éasca é cuntas a dhéanamh ar an gcaismirt sin ach tugann sé tuiscint dhoimhin dúinn uirthi.