lean muid
Séásúr an Fhómhair 2020 / Autumn Season 2020
Séasúr an Fhómhair 2020 Ceannaigh Ticéid
 

Covid 19. An t-eolas is déanaí

Ar an 6 Deireadh Fómhair chuir Rialtas na hÉireann srianta leibhéal 3 i bhfeidhm sa stát go léir. Faoi leibhéal 3 níl imeachtaí amharclann-lonnaithe ceadaithe in aon chor. Ciallaíonn seo gur gá dúinn cuid de na scannáin a bhí beartaithe againn a chur ar ceal agus nach mbeidh Séasúr an Fhómhair ag tosú go dtí an 29 Deireadh Fómhair ar a luaithe. Beidh cinneadh faoi seo á thógáil agus á fhógairt anseo níos gaire don dáta sin.

Idir an dá linn beimid i dteagmháil le aon duine a cheannaigh ticéid le gur féidir linn aisíocaíocht a shocrú.

Áilleagán mná

(Potiche)

Stiúr: François Ozon
An Fhrainc 2010
103 nóiméad
Teastas: 15A
Tá bealach ealaíonta déanta scannán ag François Ozon, agus é ag athrú go héasca ó dhrámaíocht lom go greann ó scannán go chéile. Tá an chuma ar an gceann seo gur scannán grínn atá ann ach tá gné éigin den radacachas ann freisin. Seo ceann de na róil ghrinn is fearr a bhí ag Catherine Deneuve go dtí seo agus tá Gérard Depardieu thar barr freisin sa scigmhagadh seo ón bhFrainc.

Sa bhliain 1977, i mbaile beag Sainte-Guenole, tá gnáthshaol na mná tí á chaitheamh ag Suzanne Pujol (Catherine Deneuve) agus í ag tindeáil go ceanúil ar a fear céile smuilceach, Robert (Fabrice Luchini), fear a chaitheann a chuid ama ag ligean gnó theaghlach Suzanne ó mhaith. Dar lena fear céile agus lena leanaí fásta níl i Madame Pujol ach áilleagán mná nach bhfuil cumhacht dá laghad aici; i bhfocail eile une potiche.

Is scannán aoibhinn, cumhachtaithe agus gleoite é Potiche atá lán den je ne sais quoi.

Cameron Bailey, Féile Idirnáisiúnta Scannán Toronto 2010