lean muid
Séásúr an Fhómhair 2020 / Autumn Season 2020
Séasúr an Fhómhair 2020 Ceannaigh Ticéid
 

Covid 19. An t-eolas is déanaí

Ar an 6 Deireadh Fómhair chuir Rialtas na hÉireann srianta leibhéal 3 i bhfeidhm sa stát go léir. Faoi leibhéal 3 níl imeachtaí amharclann-lonnaithe ceadaithe in aon chor. Ciallaíonn seo gur gá dúinn cuid de na scannáin a bhí beartaithe againn a chur ar ceal agus nach mbeidh Séasúr an Fhómhair ag tosú go dtí an 29 Deireadh Fómhair ar a luaithe. Beidh cinneadh faoi seo á thógáil agus á fhógairt anseo níos gaire don dáta sin.

Idir an dá linn beimid i dteagmháil le aon duine a cheannaigh ticéid le gur féidir linn aisíocaíocht a shocrú.

Nader agus Simin - Scarúint

(Jodaeiye Nader az Simin)

Stiúr: Asghar Farhadi
An Iaráin 2010
123 nóiméad
Teastas: Club
Díreach agus muid den tuairim nárbh indéanta do lucht déanta scannán na hIaráine iad féin a chur i láthair i gceart de bharr na cinsireachta, seo chugainn scannán Asghar Farhadi Nader agus Simin - Scarúint a chasann an tuairim sin ar a cheann. Scannán simplí atá ann ó thaobh na reacaireachta de, ach scannán casta atá ann ó thaobh na moráltachta, na síceolaíochta agus na sochaí de agus éiríonn leis béim a leagan ar shochaí na hIaráine ar bhealach nach ndearna aon scannán eile roimhe seo.

Buaiteoir - Gradam an Bhéir Órga - Féile Scannán na Beirlíne 2011