Clár faisnéise é Children of the Revolution a rinne an scannánóir Éireannach, Shane O’Sullivan. Beirt bhan iomráiteacha is ábhar don saothar seo: Ulrike Meinhof a bhí ina ceannaire ar bhrainse d’Arm Dearg na Gearmáine agus Fusako Shigenobu a bhí ina ceann feadhna ar Arm Dearg na Seapáine. Réabhlóid na mac léinn sa bhFrainc agus an sléacht i Vítneam a ghríosaigh na mná seo chun iarracht a dhéanamh deireadh a chur leis an gcaipitleachas trí réabhlóid dhomhanda a spreagadh. Rinne siad a mbealach chuig an Meánoirthear, áit ar chuir na Palaistínigh faoi oiliúint mhíleata iad. Is iad agus Leila Khaled na mná is mó atá luaite le réabhlóideachas na ré sin agus tharraing a ngníomhartha clú agus cáil orthu. Údair agus iriseoirí iad iníonacha na mban seo, Bettina Röhl and Mei Shigenobu, agus sa scannán seo tugann siad léargas faoi leith dúinn ar shaol agus ar oidhreacht na gceannairceach cáiliúil seo.