lean muid
Séásúr an Fhómhair 2020 / Autumn Season 2020
Séasúr an Fhómhair 2020 Ceannaigh Ticéid
 

Covid 19. An t-eolas is déanaí

Ar an 6 Deireadh Fómhair chuir Rialtas na hÉireann srianta leibhéal 3 i bhfeidhm sa stát go léir. Faoi leibhéal 3 níl imeachtaí amharclann-lonnaithe ceadaithe in aon chor. Ciallaíonn seo gur gá dúinn cuid de na scannáin a bhí beartaithe againn a chur ar ceal agus nach mbeidh Séasúr an Fhómhair ag tosú go dtí an 29 Deireadh Fómhair ar a luaithe. Beidh cinneadh faoi seo á thógáil agus á fhógairt anseo níos gaire don dáta sin.

Idir an dá linn beimid i dteagmháil le aon duine a cheannaigh ticéid le gur féidir linn aisíocaíocht a shocrú.

An Rún sna Súile acu

(El Secreto de sus ojos)

Stiúr: Juan José Campanella
An Airgintín 2009
129 nóiméad
Teastas: 16
Seo chugainn arís an stiúrthóir Juan José Campanella a inmníodh do ghradam Acadamy leis an gcéad mórscannán uaidh ó 2004, tar éis dó roinnt blianta a chaitheamh ag stiúradh cláracha teilifíse ar nós Law & Order, 30 Rock agus House. Tá an scannán seo suite i dtír a dhúchais, an Airgintín, arb é atá ann ná coirdhráma a bhfuil scéal grá ina chroílár.

Agus é díreach tar éis éirí as a phost le cúirt choiriúil na hAirgintíne, tosaíonn Benjamín Espósito (Ricardo Darín) ag scríobh úrscéil faoi chás a raibh baint aige leis agus atá á chiapadh go fóill. Sa bhliain 1974, rinneadh éigniú ar chailín álainn nuaphósta agus maraíodh í ina teach agus a fear céile ag obair sa bhanc. Cuireadh Espósito amach chun an choir a fhiosrú.

Agus é ag féachaint ar shúile fir i bpictiúirí a tógadh agus an bhean óg ar an ollscoil, is léir do Espósito gurb é sin an fear a mharaigh í. Tá sé meáite ar an bhfear sin a ghabháil agus cuireann sé a shaol féin agus saol a chomhghleacaí, duine rí-éirimiúil ach alcólaí nach féidir braith air, i mbaol. Ceistíonn an scéal seo an bhrí atá le dlí agus ceart agus le téarma príosúnachta saoil. Dá bhuaine an phian is seacht mbuaine an grá.

Diana Sanchez, Féile Scannán Idirnáisiúnta Toronto 2009

Buaiteoir – An Scannán is fearr i dteanga iasachta, Gradaim Academy 2010