lean muid
Séásúr an Fhómhair 2020 / Autumn Season 2020
Séasúr an Fhómhair 2020 Ceannaigh Ticéid
 

Covid 19. An t-eolas is déanaí

Ar an 6 Deireadh Fómhair chuir Rialtas na hÉireann srianta leibhéal 3 i bhfeidhm sa stát go léir. Faoi leibhéal 3 níl imeachtaí amharclann-lonnaithe ceadaithe in aon chor. Ciallaíonn seo gur gá dúinn cuid de na scannáin a bhí beartaithe againn a chur ar ceal agus nach mbeidh Séasúr an Fhómhair ag tosú go dtí an 29 Deireadh Fómhair ar a luaithe. Beidh cinneadh faoi seo á thógáil agus á fhógairt anseo níos gaire don dáta sin.

Idir an dá linn beimid i dteagmháil le aon duine a cheannaigh ticéid le gur féidir linn aisíocaíocht a shocrú.

(La Jaula de Oro)

The Golden Dream thumb
Stiúr: Diego Quemada-Diez
Meicsiceo / An Spáinn 2013
102 nóiméad
Teastas: CLUB
 

 

Bíonn tarraingt aisteach ag bochtáin Mheiriceá Laidinigh ar na Stáit Aontaithe. Is ó bhailéad Meicsiceach a thagann teideal an tsaothair seo. Meafar é an cás órga don saol a bhíonn roimh na hinimircigh neamhdhleathacha a bhaineann an tír tairngire amach. Cruatan agus sclábhaíocht a bhíonn i ndán dóibh de bharr nach mbíonn na páipéir acu a chuirfeadh ar a gcumas dul chun cinn a dhéanamh sa saol. Dráma tarraingteach, fileata é seo a léiríonn an turas casta, contúirteach a dhéanann triúr ógánach nuair a thugann siad an bóthar ó thuaidh orthu féin. Roghnaíodh aisteoirí neamhoilte do na príomhpháirteanna agus tá siad ar fheabhas.

The Golden Dream thumb
The Golden Dream thumb