lean muid

Tá Coiste Chlub Scannán Sailearna ag pleanáil séasúr an fhómhair 2020

Sa chomhthéacs dúshlánach agus neamhcinnte ina bhfuilimid go léir beidh athruithe i ndán dúinn ach, leis an bpleanáil cuí, táimid dóchasach go n-éireoidh le séasúr úr scannán sa tSeanscoil.

Agus muid i mbun pleanála ba mhaith linn cloisteáil óna baill reatha agus na hiar-bhaill a bhí inár dteannta sa tSeanscoil le cuid mhaith blianta anuas le gur féidir linn bhúr smaointe a chur san áireamh.

Más maith leat cabhrú linn líon an suirbhé gearr seo ina mbeidh deis agat do smaointe a chur in iúl.

https://www.surveymonkey.com/r/XNXLLCQ

Marshland thumb
 

 

 

Omar thumb
Stiúr: Hany Abu-Assad
An Phalaistín 2013
96 nóiméad
Teastas: 15A
 

 

Tá an grá rómánsach agus an tírghrá fite fuaite ina chéile sa scéal seo atá lonnaithe sa Phalaistín. Is minic Omar ag seachaint piléir na saighdiúirí Iosraelacha agus é ag dreapadh an bhalla cosanta a sheasann idir é agus a chailín, Nadia. Scarann an balla an dá ghné dá shaol: feictear an leannán lách, grámhar ar thaobh amháin agus an trodaí saoirse, a throideann gan fuacht gan faitíos, ar an taobh eile. Ach gabhann na póilíní Omar agus éilíonn siad cúnamh uaidh a fhágann idir dhá thine Bhealtaine é. Ach oiread le tírdhreach na Palaistíne, déantar míle píosa de chroí Omar ach is léir gur le grá dochloíte do Nadia a dhéanann sé an méid a dhéanann.

Omar thumb