lean muid
Séásúr an Fhómhair 2020 / Autumn Season 2020
Séasúr an Fhómhair 2020 Ceannaigh Ticéid
 

Covid 19. An t-eolas is déanaí

Ar an 6 Deireadh Fómhair chuir Rialtas na hÉireann srianta leibhéal 3 i bhfeidhm sa stát go léir. Faoi leibhéal 3 níl imeachtaí amharclann-lonnaithe ceadaithe in aon chor. Ciallaíonn seo gur gá dúinn cuid de na scannáin a bhí beartaithe againn a chur ar ceal agus nach mbeidh Séasúr an Fhómhair ag tosú go dtí an 29 Deireadh Fómhair ar a luaithe. Beidh cinneadh faoi seo á thógáil agus á fhógairt anseo níos gaire don dáta sin.

Idir an dá linn beimid i dteagmháil le aon duine a cheannaigh ticéid le gur féidir linn aisíocaíocht a shocrú.

Scoth na Scannán Domhanda gach Déardaoin in Indreabhán

Séasúr An Earraigh 2016 - Postaer

Cuirfear tús le séasúr nua scannán i Seanscoil Sailearna, Indreabhán ar an Déardaoin, an 14 Eanáir leis an scannán The Connection. Gach Déardaoin idir seo agus an Márta beidh 10 scannán ar fad againn, ó thíortha éagsúla agus i dteangacha éagsúla idir, le fotheidil i mBéarla.

Tá an séasúr scannán eagraithe ag Club Scannán Sailearna i gcomhar le Access Cinema agus le cúnamh ó Chomhairle Chontae na Gaillimhe.

Is féidir le daoine ballraíocht sa chlub scannán a thógáil amach don séasúr ar € 30 (€ 25), a thugann cead isteach do na scannáin go léir ar an gclár, nó is féidir € 8 (€ 7) in aghaidh scannán a íoc ag an doras ar an oíche, más fearr leat.

Anseo thíos tá liosta na scannán a thaispeánfar le linn an tséasúir nua:

  • 14 Eanáir: The Connection (An Fhrainc 2014)
  • 21 Eanáir: The Second Mother (An Bhrasaíl 2014)
  • 28 Eanáir: Theeb (Qatar, Jordan 2014)
  • 04 Feabhra: Quai d’Orsay (An Fhrainc 2013)
  • 11 Feabhra: A Girl at my Door (An Chóiré Theas 2014)
  • 18 Feabhra: 13 Minutes (An Ghearmáin 2015)
  • 25 Feabhra: It’s all so Quiet (An Ísiltír 2013)
  • 03 Márta: Taxi Tehran (Iaráin 2015)
  • 10 Márta: Deargdhúil (Éire 2015)
  • 24 Márta: In the Courtyard (An Fhrainc 2013)

Beidh breis eolais faoina scannáin, maraon le blaiseadh beag dóibh le fáil ón suíomh idirlíon clubscannan.ie nó is féidir eolas a fháil faoin gClub Scannán ach glaoch ar Dan (087) 8168629 nó Donncha (086) 4048881.

pdfClub Scannan Séasúr An Earraigh 2016 Postaer ardtaifigh11.7 MB