(Elser)

Fíorscéal an scannán seo. Rinne an siúinéir, Georg Elser, buama le súil is go maródh sé Hitler. Ba bheag nár éirigh leis agus cé gur mharaigh an pléascadh cúpla duine, d’éirigh le Hitler na cosa a thabhairt leis. Gabhadh an siúinéir, rinneadh diancheistiú air agus céasadh é. Agus é faoi bhrú insíonn sé faoin údar a bhí aige a leithéid a dhéanamh ach coinníonn sé a mhisneach in ainneoin na spídiúlachta a dhéantar air.