lean muid
Séásúr an Fhómhair 2020 / Autumn Season 2020
Séasúr an Fhómhair 2020 Ceannaigh Ticéid
 

Covid 19. An t-eolas is déanaí

Ar an 6 Deireadh Fómhair chuir Rialtas na hÉireann srianta leibhéal 3 i bhfeidhm sa stát go léir. Faoi leibhéal 3 níl imeachtaí amharclann-lonnaithe ceadaithe in aon chor. Ciallaíonn seo gur gá dúinn cuid de na scannáin a bhí beartaithe againn a chur ar ceal agus nach mbeidh Séasúr an Fhómhair ag tosú go dtí an 29 Deireadh Fómhair ar a luaithe. Beidh cinneadh faoi seo á thógáil agus á fhógairt anseo níos gaire don dáta sin.

Idir an dá linn beimid i dteagmháil le aon duine a cheannaigh ticéid le gur féidir linn aisíocaíocht a shocrú.

Padre Padrone

Stiúr: Paulo Taviani, Vittorio Taviani
An Iodáil 1977
113 nóiméad
Teastas: 18
Scéal faoi mhac agus é ag fás aníos le hathair tíoránta. Caitheann Gavino a chuid ama leis féin agus é ina aoire sa tSairdín. Níl léamh ná scríobh aige. Ar deireadh thiar thall seasann sé an fód i gcoinne a athar agus téann sé i ngleic leis an léann nó go mbaineann sé céim amach. Tagann sé ar thuiscint nua air féin agus ar an gcumas cumarsáide atá aige. Tá an scannán bunaithe ar an úrscéal dírbheathaisnéiseach Padre Padrone le Gavino Ledda.