lean muid
Séásúr an Fhómhair 2020 / Autumn Season 2020
Séasúr an Fhómhair 2020 Ceannaigh Ticéid
 

Covid 19. An t-eolas is déanaí

Ar an 6 Deireadh Fómhair chuir Rialtas na hÉireann srianta leibhéal 3 i bhfeidhm sa stát go léir. Faoi leibhéal 3 níl imeachtaí amharclann-lonnaithe ceadaithe in aon chor. Ciallaíonn seo gur gá dúinn cuid de na scannáin a bhí beartaithe againn a chur ar ceal agus nach mbeidh Séasúr an Fhómhair ag tosú go dtí an 29 Deireadh Fómhair ar a luaithe. Beidh cinneadh faoi seo á thógáil agus á fhógairt anseo níos gaire don dáta sin.

Idir an dá linn beimid i dteagmháil le aon duine a cheannaigh ticéid le gur féidir linn aisíocaíocht a shocrú.

 

Tharlo, an scannán a bhí ceapaithe le taispeáint an Déardaoin seo, níl sé ar fáil. Ina áit beidh Court á thaispeáint, scannán ón Ind.

Tharlo thumb
Stiúr: Pema Tseden
An Tibéid, An tSín 2015
123 nóiméad
Teastas: Club
 

 

Tá cúrsaí aitheantais, míthuiscintí idir chultúir agus gnáthshaol an aoire ar na téamaí is láidre sa scannán seo. Scéal tomhaiste, réidh atá ann, atá ina scáthán ar an saol a chaitheann na daoine atá ina gcónaí ar shleasa na sléibhte Steip sa Tibéid. Tá an seanchultúr agus na traidisiúin seanbhunaithe faoi bhagairt ag an saol nua-aoiseach agus tá an teannas sin le brath sa scannán.

Níl mórán de mhaoin an tsaoil ag an aoire Tharlo agus caitheann sé saol simplí i gceantar iargúlta. Tá cuimhne aisteach aige: tá sé in ann sleachta móra fada ó Leabhairín Dearg Mao Tse-chung a aithris de ghlanmheabhair ach fós, níl a fhios aige cén aois atá sé.

Deirtear leis go gcaithfidh sé cárta aitheantais a fháil agus, cé nach bhfuil sé in ann meabhair ar bith a bhaint as an ordú seo, tugann sé aghaidh ar an mbaile is gaire dó chun grianghraf de féin a fháil. Ní thaitníonn a ghlib ghliobach leis an ngrianghrafadóir agus seolann sé anonn go siopa an bhearbóra é agus is ann a chuirtear cor cinniúnach ina shaol.

Tharlo thumb
Tharlo poster thumb