lean muid
Séásúr an Fhómhair 2020 / Autumn Season 2020
Séasúr an Fhómhair 2020 Ceannaigh Ticéid
 

Covid 19. An t-eolas is déanaí

Ar an 6 Deireadh Fómhair chuir Rialtas na hÉireann srianta leibhéal 3 i bhfeidhm sa stát go léir. Faoi leibhéal 3 níl imeachtaí amharclann-lonnaithe ceadaithe in aon chor. Ciallaíonn seo gur gá dúinn cuid de na scannáin a bhí beartaithe againn a chur ar ceal agus nach mbeidh Séasúr an Fhómhair ag tosú go dtí an 29 Deireadh Fómhair ar a luaithe. Beidh cinneadh faoi seo á thógáil agus á fhógairt anseo níos gaire don dáta sin.

Idir an dá linn beimid i dteagmháil le aon duine a cheannaigh ticéid le gur féidir linn aisíocaíocht a shocrú.

 

El Sur thumb
Stiúr: Victor Erice
An Spáinn, An Iodáil 1983
95 nóiméad
Teastas: CLUB
 

 

Áirítear é seo ar cheann de na scannáin is fearr a rinneadh riamh sa Spáinn agus is beag duine nach gcuireann sé tocht air/ uirthi. Scéal Estrella atá ann, cailín atá ag fás suas i dtuaisceart na Spáinne sna 1950í ach atá ag iarraidh tuiscint níos fearr a fháil ar dheisceart na tíre, an áit inar saolaíodh í. Is dochtúir a hathair ach ní bhíonn fonn air labhairt faoina óige san Andalúis agus tá tuairim ag Estella go raibh sé sáite sa gCogadh Cathartha. Téann sí ag cartadh agus déanann sí iarracht eolas a fháil faoi chúlra a hathar. Tá léiriú faoi leith ann ar chuimhní agus ar mhianta an duine, chomh maith leis an gcumha, agus is cinnte go gcuirfidh aisteoireacht chumasach, íomhánna áille agus fuaimrian diamhair an tsaothair seo an lucht éisteachta faoi gheasa.