lean muid
Séásúr an Fhómhair 2020 / Autumn Season 2020
Séasúr an Fhómhair 2020 Ceannaigh Ticéid
 

Covid 19. An t-eolas is déanaí

Ar an 6 Deireadh Fómhair chuir Rialtas na hÉireann srianta leibhéal 3 i bhfeidhm sa stát go léir. Faoi leibhéal 3 níl imeachtaí amharclann-lonnaithe ceadaithe in aon chor. Ciallaíonn seo gur gá dúinn cuid de na scannáin a bhí beartaithe againn a chur ar ceal agus nach mbeidh Séasúr an Fhómhair ag tosú go dtí an 29 Deireadh Fómhair ar a luaithe. Beidh cinneadh faoi seo á thógáil agus á fhógairt anseo níos gaire don dáta sin.

Idir an dá linn beimid i dteagmháil le aon duine a cheannaigh ticéid le gur féidir linn aisíocaíocht a shocrú.

Pictiúirí Greanta

(Maria Larssons eviga ögonblick)

Stiúr: Jan Troell
An Danmhairg / An Fhionlainn / An Iorua / An tSualainn / An Ghearmáin 2008
131 nóiméad - Teastas: 15A
Is dráma traidisiúnta, discréideach, aoibhinn ar an tseanstíl é an scannán seo a rinne Jan Troell faoi bhan-ghrianghrafadóir sa tSualainn ag tús an chéid seo caite. Éiríonn leis an luas díreach ceart a aimsiú agus é ag insint an scéil seo agus déantar cúram do gach cuid de. Caitear go báúil le laocha agus le rógairí araon sa léiriú seo ar theaghlach amháin agus ar saol lucht oibre na linne sin.

Insítear an scéal go beacht agus go húdarásach, idir éirim an phlota agus mhionsonraí an scéil. Is bean bheag, teanntásach, mhisniúil í Maria, a thugann dúshlán a fir chéile agus a cinniúna, a chosnaíonn a leanaí go tréan agus a chuimhníonn ar bhua na grianghrafadóireachta a thabhairt suas ar a son. Is brúid shoilbhir é Sigfrid a dtéann sé dian air guaim a chur ar a thart agus ar a fhearg. Is é éirim an scéil seo coimhlint na beirte, scéal nach n-éirímid tuirseach de beag ná mór. - Screen International