lean muid
Séásúr an Fhómhair 2020 / Autumn Season 2020
Séasúr an Fhómhair 2020 Ceannaigh Ticéid
 

Covid 19. An t-eolas is déanaí

Ar an 6 Deireadh Fómhair chuir Rialtas na hÉireann srianta leibhéal 3 i bhfeidhm sa stát go léir. Faoi leibhéal 3 níl imeachtaí amharclann-lonnaithe ceadaithe in aon chor. Ciallaíonn seo gur gá dúinn cuid de na scannáin a bhí beartaithe againn a chur ar ceal agus nach mbeidh Séasúr an Fhómhair ag tosú go dtí an 29 Deireadh Fómhair ar a luaithe. Beidh cinneadh faoi seo á thógáil agus á fhógairt anseo níos gaire don dáta sin.

Idir an dá linn beimid i dteagmháil le aon duine a cheannaigh ticéid le gur féidir linn aisíocaíocht a shocrú.

Rang De Basanti

Stiúr: Rakesh Omprakash Mehra
An India 2006
157 nóim. Teastas: Club
Anois is arís déanann Bollywood scannán nach ceoldráma é agus bíonn an-rath go deo air. Insíonn Rang De Basanti scéal scannánóra ó Shasana a thaistealaíonn go hIndia chun clár faisnéise a dhéanamh faoi throdaithe na saoirse a luaigh a seanathair ina chuimhní cinn. Lena mheascán de rómánsaíocht, de stair agus den tráchtaireacht shóisialta, tugann an léiriú iontach seo treo nua do scannánaíocht Hindi.

Tá fíricí stairiúla agus téamaí agus carachtair nua-aimseartha fite fuaite ina chéile sa scannán iontach seo a bhuí le scríbhneoireacht agus léiriú cliste Mehra. Bímid gafa láithreach ag plota an scannáin a thugann léargas dúinn ar an sean agus ar an nua araon. Tugann Khan taispeántas iontach uaidh mar a dhéanann i gcónaí, ach beireann Patten barr bua air agus í i bpáirt an eachtrannaigh a chuireann ionadh ar lucht na háite lena fheabhas is atá a cuid Hinise. Is iontach go deo an taispeántas a thugann an mhórfhoireann uathu, agus iad ag cur ina luí orainn gan aon agó gur ógánaigh iad atá ag foghlaim faoin tábhacht a bhaineann leis an íobairt phearsanta. Scannán den scoth a gcuirfidh go leor leor daoine spéis ann; ba chóir gach scannán de chuid Bollywood a bheith cosúil leis an gceann seo. - BBC Films