lean muid
Séásúr an Fhómhair 2020 / Autumn Season 2020
Séasúr an Fhómhair 2020 Ceannaigh Ticéid
 

Covid 19. An t-eolas is déanaí

Ar an 6 Deireadh Fómhair chuir Rialtas na hÉireann srianta leibhéal 3 i bhfeidhm sa stát go léir. Faoi leibhéal 3 níl imeachtaí amharclann-lonnaithe ceadaithe in aon chor. Ciallaíonn seo gur gá dúinn cuid de na scannáin a bhí beartaithe againn a chur ar ceal agus nach mbeidh Séasúr an Fhómhair ag tosú go dtí an 29 Deireadh Fómhair ar a luaithe. Beidh cinneadh faoi seo á thógáil agus á fhógairt anseo níos gaire don dáta sin.

Idir an dá linn beimid i dteagmháil le aon duine a cheannaigh ticéid le gur féidir linn aisíocaíocht a shocrú.

Néal a Naoi

(Wolke Neun)

Stiúr: Andreas Dresen
An Ghearmáin 2008
98 nóiméad - Teastas: Club
Is cloíte an galar an grá. Sin an teachtaireacht atá an léiritheoir Gearmánach, Andreas Dresen, a thabhairt leis an scannán drámaíochta nua seo uaidh, a thugann spléachadh ar shaol casta, sásta agus céasta Inge. Bean í atá sna seascaidí agus atá pósta sásta, déarfá, nó go dtosaíonn caideamh le fear atá níos sine ná í féin. Leanann an ceamara go cúramach í agus feicimid go neamhnáireach teaspach an ghrá, ach is é drámaíocht an scannáin seo an bua atá aige seachas pé léiriú a dhéanann sé ar chúrsaí collaíochta.

Ní fada go mbíonn an scannán i lár an aicsin: laistigh den chéad dá nóiméad, feictear Inge, ar bean fuála í, agus Karl (Westphal), fear atá 76 bliana d’aois, ag cur aithne níos fearr ar a chéile ar tholg a seomra suí, i ndiaidh di caoi a chur ar a threabhsar dó. Is ina dhiaidh sin a thuigimid go bhfuil Inge pósta ar Werner (Rehlberg), fear smuilceach ach macánta atá ar comhaois léi féin agus ar breá leis féachaint ar fhíseáin faoi innill díosail um thráthnóna. Is é fadhb Inge ná go bhfuil sí fós lena fear céile brufar tar éis tríocha bliain, agus go rachaidh sé dian uirthi é a fhágáil agus imeacht le fear eile.

Buaiteoir – Duais Un Certain Regard / Jury Coup de Coeur, Féile Scannán Cannes 2008

 

(nasc eile)