lean muid

Fógra práinneach

I bhfianaise dhúshlán an choróinviris tá cinneadh tógtha ag choiste an chlub Scannáin Séasúr an Earraigh 2020 a chur ar ceal. Tá súil againn a bheith ar ais le chéile mar is iondúil sa bhfómhair. Idir an dá linn tugaigí aire dá chéile agus go raibh maith agaibh as bhur gcuid foighne agus tuisceana.

Confhiacal

(Kynodontas)

Stiúr: Yorgos Lanthimos
An Ghréig 2009
97 nóiméad
Teastas: 18
Tugtar aghaidh ar chóid chultúir sa léiriú seo ar theaghlach a bhfuil a dtrioblóidí féin acu. Tá an teaghlach ar fad faoi lais ag an athair agus é ag iarraidh a bhean chéile agus na leanaí a chosaint ar olc an tsaoil lasmuigh den tigh. Cuireann tógáil aisteach na leanaí isteach go mór ar an tslí a n-iompraíonn siad iad féin. Níl de shiamsaíocht acu ach físeáin atá déanta sa bhaile, cuirtear ina luí orthu gur arrachtaí scanrúla atá i gcait, agus éisteann siad go fonnmhar le hamhráin Frank Sinatra ó chreideann siad gurb é a seanathair é. Ach cuirtear isteach ar an saol aisteach seo nuair a chastar bean ón taobh amuigh ar an teaghlach.

Tugann an scannán faoi eiticí na meánaicme gan trócaire, agus léirítear an t-uisce faoi thalamh a bhaineann le saol an teaghlaigh. Is iontach an léiriú é seo ó Lanthimos.

Dimitri Eipides, Féile Idirnáisiúnta Scannán Torontó