lean muid
Séásúr an Fhómhair 2020 / Autumn Season 2020
Séasúr an Fhómhair 2020 Ceannaigh Ticéid
 

Covid 19. An t-eolas is déanaí

Ar an 6 Deireadh Fómhair chuir Rialtas na hÉireann srianta leibhéal 3 i bhfeidhm sa stát go léir. Faoi leibhéal 3 níl imeachtaí amharclann-lonnaithe ceadaithe in aon chor. Ciallaíonn seo gur gá dúinn cuid de na scannáin a bhí beartaithe againn a chur ar ceal agus nach mbeidh Séasúr an Fhómhair ag tosú go dtí an 29 Deireadh Fómhair ar a luaithe. Beidh cinneadh faoi seo á thógáil agus á fhógairt anseo níos gaire don dáta sin.

Idir an dá linn beimid i dteagmháil le aon duine a cheannaigh ticéid le gur féidir linn aisíocaíocht a shocrú.

An Ribín Bán

(Das weiße Band)

Stiúr: Michael Haneke
An Ostair / An Ghearmáin 2009
144 nóiméad
Teastas: 15A
Is buaic é An Ribín Bán sa turas a thosaigh do Haneke breis is fiche bliain ó shin nuair a rinne sé a chéad scannán, The Seventh Continent. Tá an scannán is déanaí seo lonnaithe i sráidbhaile beag feirmeoireachta i dtuaisceart na Gearmáine agus an Chéad Chogadh Domhanda ar tí briseadh amach. Scannánaíocht iontach dhubh agus bhán atá ann. Tá gné dhorcha ag an scannán nach gcuirtear os ár súile go follasach agus faighimid leidí air ó thús deireadh an scannáin.

Cé go bhféadfaí a rá go bhfuil an scannán ag fiosrú fhréamhacha an Naitsíochais, is mó ná sin amháin é. Dar le Haneke, fiosrú faoin sceimhlitheoireacht atá ann chomh maith leis an bhFaisisteachais. Ba chóir do chách an scannán seo a fheiceáil, scannán ina ndéantar scrúdú ar an gcaoi a n-éiríonn an foréigean neadaithe i ngan fhios i sochaí a bhfuil luachanna faoi leith aici.

Piers Handling, Féile Idirnáisiúnta Scannán Torontó

Buaiteoir – Palme D’Or, Féile Scannán Cannes 2009
Buaiteoir – Scannán na Bliana FIPRESCI, Féile Scannán Idirnáisiúnta San Sebastian 2009