(Bar Bahar)

Tá an gol agus an gáire sa debut seo faoi thriúr ban Phalaistíneacha a bhfuil cónaí orthu in Tel Aviv agus iad ag iarraidh neamhspleáchas a bhaint amach agus a saol a chaitheamh ar a dtoil féin. Feicimid na cora atá sna caidrimh acu agus tugtar léargas dúinn ar chúrsaí sochpholaitíochta san áit ina maireann siad. Tá iarracht den dánacht sa scannán seo a thugann léargas dúinn ar dhomhan coimhthíoch agus mar a thagann an sean agus an nua salach ar a chéile.