lean muid
Séásúr an Fhómhair 2020 / Autumn Season 2020
Séasúr an Fhómhair 2020 Ceannaigh Ticéid
 

Covid 19. An t-eolas is déanaí

Ar an 6 Deireadh Fómhair chuir Rialtas na hÉireann srianta leibhéal 3 i bhfeidhm sa stát go léir. Faoi leibhéal 3 níl imeachtaí amharclann-lonnaithe ceadaithe in aon chor. Ciallaíonn seo gur gá dúinn cuid de na scannáin a bhí beartaithe againn a chur ar ceal agus nach mbeidh Séasúr an Fhómhair ag tosú go dtí an 29 Deireadh Fómhair ar a luaithe. Beidh cinneadh faoi seo á thógáil agus á fhógairt anseo níos gaire don dáta sin.

Idir an dá linn beimid i dteagmháil le aon duine a cheannaigh ticéid le gur féidir linn aisíocaíocht a shocrú.

An Seomra Ranga

Entre les murs (The Class)

Stiúr: Laurent Cantet
An Fhrainc 2008
128 nóiméad - Teastas: 12A
Ní léireofar scannán is fearr i mbliana ná An Seomra Ranga le Laurent Cantet, scannán a thugann spléachadh ar bhliain amháin i seomra ranga atá faoi stiúir múinteora óig Marin (François Bégaudeau). Tá an scoil lonnaithe i gceantar garbh i bPáras agus is scoil mheasctha í, agus daoine gorma, Arabaigh agus Áisigh ag freastal uirthi. Is é an dúshlán Marin, fearacht gach múinteora eile, grá don fhoghlaim a thabhairt d'ógánaigh ar cuma leo go minic, ach is dúshlánaí fós an beart é sa scoil áirithe seo. Is iontach an bealach a dhéileálann sé leis na daltaí - ní ghéilleann sé dóibh riamh agus déanann sé iarracht féinmhuinín a thabhairt dóibh mar aon le labhairt cheart na Fraincise in áit a bhfuil an teanga thraidisiúnta ag meath. - David Noh / Film Journal International

Buaiteoir - Palme D’Or, Féile Scannán Cannes 2008