lean muid
Séásúr an Fhómhair 2020 / Autumn Season 2020
Séasúr an Fhómhair 2020 Ceannaigh Ticéid
 

Covid 19. An t-eolas is déanaí

Ar an 6 Deireadh Fómhair chuir Rialtas na hÉireann srianta leibhéal 3 i bhfeidhm sa stát go léir. Faoi leibhéal 3 níl imeachtaí amharclann-lonnaithe ceadaithe in aon chor. Ciallaíonn seo gur gá dúinn cuid de na scannáin a bhí beartaithe againn a chur ar ceal agus nach mbeidh Séasúr an Fhómhair ag tosú go dtí an 29 Deireadh Fómhair ar a luaithe. Beidh cinneadh faoi seo á thógáil agus á fhógairt anseo níos gaire don dáta sin.

Idir an dá linn beimid i dteagmháil le aon duine a cheannaigh ticéid le gur féidir linn aisíocaíocht a shocrú.

 

Silence thumb
Stiúr: Martin Scorsese
Stáit Aontaithe Mheiriceá, An Téaváin, An tSeapáin 2016
159 nóiméad
Teastas: 12A
 

 

Tá an scéal seo suite sa seachtú haois déag mar a thugann beirt shagart Íosánacha as an bPortaingéil faoi aistear contúirteach go dtí an tSeapáin ar thóir a meantóra, a thug droim láimhe don Chaitliceachas, más fíor do na scéalta. Freastalaíonn siad faoi rún ar na Críostaithe a chastar orthu ach is dóibh féin is measa é má fhaigheann an samurai nó an lucht ceannais amach faoina ngníomhartha. Thug Martin Scorsese breis is 25 bliana ag plé leis an togra seo, a léiríodh den chéad uair sa Róimh i mí na Samhna seo caite agus thug na léirmheastóirí ardmholadh dó. Is saothar machnamhach, corraitheach é seo faoi chúrsaí spioradálta agus nádúr an duine agus beireann sé barr ar shaothair eile de chuid an stiúrthóra cháiliúil.

Silence thumb
Silence thumb