lean muid

Fógra práinneach

I bhfianaise dhúshlán an choróinviris tá cinneadh tógtha ag choiste an chlub Scannáin Séasúr an Earraigh 2020 a chur ar ceal. Tá súil againn a bheith ar ais le chéile mar is iondúil sa bhfómhair. Idir an dá linn tugaigí aire dá chéile agus go raibh maith agaibh as bhur gcuid foighne agus tuisceana.

Premiere: Pól Ó Foighil – An Tarbh

Léirithe ag Mac Dara Ó Curraidhín
Éire
53 nóiméad
Sa chlár faisnéise uair an chloig seo tugtar léiriú ar shaol Phóil Uí Fhoighil, oide scoile, bainisteoir comharchumainn, ceannródaí pobail, comhairleoir condae, ionadaí tofa in Údarás na Gaeltachta, seanadóir agus comhairleoir don fhorbairt pobail.

Crúthaitear scéal a bheatha ó chomhráite lena mhuintir, lena chairde, agus go deimhin freisin le daoine nár réitigh leis. Leanann na comhráite scannánaithe seo saol Phóil Uí Fhoighil agus an chaoi ar tháinig sé in inmhe mar cheannrodaí, mar ghníomhaí sóisialta agus mar pholaiteoir.

The Bull a thugtaí ar sheanathair leis, agus creidtear go raibh tionchar ag a chúlra neamhchoitianta ar Phól Ó Foighil.